የዋና ዳይሬክተር መልዕክት

በኢ.ፌ.ዲ.ሪ ባህልና ቱሪዝም ሚኒስቴር ተጠሪ የሆነው የሆቴልና ቱሪዝም ስራ ማሰልጠኛ ኢንስቲትዩት በዘርፉ ፈጣን እድገት እንዲመጣ፤ በአለም አቀፍ ደረጃ ተወዳዳሪ የሆነ የሰው ሀይል በማቅረብ ፤ ችግር ፈቼ ጥናትና ምርምር እንዲሁም የማማከር አገልግሎት በመስጠት ለቱሪዝም ኢንዱስትሪው እድገት የበኩሉን አስተዋፆኦ እያደረገ የሚገኝ አንጋፋ ተቋም ነው ፡፡
ተቋማችን ለአለፉት ሀምሳ ዓመታት በነበረው ሂደት ለዘርፉ እድገት የበኩልን አስተዋፅኦ እያበረከተ የሚገኝ ተቋም ሲሆን ዘርፉ ከሰዎች ልጆች ስልጣኔ እና ሉዋላዊነት ጋር ተያይዞ በአለም አቀፍ ደረጃ በዘርፉ የሰለጠነና የበቃ የሰው ሀይል ከማቅረብ አንፃር ያለብንን ውስንነቶች በማሻሻል በቴክኖሎጂና በዘመናዊ መሳሪያዎች የዳበረ ስልጠና መስጠት ይጠበቅብናል፡፡
በተጨማሪም ሀገራችን ያላትን የወጣት ሀይል በመጠቀም ሰው ሰራሽና የተፈጥሮ መስህቦቻችንን በመጠበቅና በመንከባከብ በአፍሪካ ተወዳዳሪ የሆነ ለኢኮኖሚያችንም ተገቢውን ድርሻ ማበርከት የሚችል ጠንካራ ተቋም ለመገንባት ጥረት ማድረግ የሁላችንም ሀላፊነት ነው ፡፡
ስለሆነም የዘርፉን እድገት ወደ ተሸለ ደረጃ ለማሳደግ በሚደረገው ጥረት የተቋሙ ሠራተኞችና መምህራን ከፍተኛ ሀላፊነት ያለባቸው በመሆኑ ባለው ውስን ሀብት ተጠቅመን የተጣለብንን ኃላፊነት እንድንወጣና የሀገራችንን የቀደምት ስልጣኔ የታሪክ አሻራን በማስቀጠል ኢትዮጽያን ተመራጭና ተወዳዳሪ የቱሪስት መዳረሻ ለማድረግ በጋራ እንስራ የሚል መልዕክቴን አስተላልፋለሁ፡፡